إلى كل بنت ناشبة في حلق أهلها وما تصرفت
..(مع إنهم حآطينهآ بلاش بدون مهر ).. كيف تصـطادين شاباً دون اللجـوء إلى الأسـاليب السقيمة ؟!
للإجـابة على هـذا السؤال إليكِ هذي الخطــة الجهنمية
1) -
( في الزواجات) خليكِ مؤدبـة وعاقلة ولا تروحين مـع البنات
وتطيـر بوهتك معهم اركدي .. واثقلي شوي
2) - وامشي وإنتي حاطـة رأسك بين كتوفك لا ترفعيـنه أبداً
،عشان يقولون متواضعـــة ومو متكبرة .
3) - لا ترقصين أبداً ، واقعـدي وشدي أرضـك واعتبري الرقص عيب .. وشق جيب
(
وجاهــدوا نفسك قد ما تقدريين في ذلك ). 4) - دايماً إرتـزّي والبسي أطـول كعـب عندك
--> ولو ان بعض البنات ماعليهم قاصر ما شاء الله
5) - شعرك افرديه كلــه وخليه ساايح ولا تتركينـه طاير وشوشــة مهما كانت الموضـة ،
لأن العجــز ما يدورون إلا إللي شعـرها ناعم ، وإلا يـا عمـري اللي شعورهم ليفة
>> ماأحد يلتفت لهم
. """""الله يكون ف عونهن والله""" 
6) - خلي كلمة
(خالة ) على لسانك وخــاصة لأم الشاب المستهدف
عشان تحس بنوع من التميـز عن بقيــة العجـــز
ولا مانع تنـادين وحـدة ثانية بهذا اللقب
>> ( احتياط إذا مانفعــت إل خطـــة مع ذي العجوز ، راح تكون الثانية هي الهدف). 7) إذا بدت أمك تتكلم إنغزيهــا بكوعـك عشان تــدخلك بالموضوع ،
--> ( حتى لــو مالـك أي داعي ) وذلك اتباعاً لقاعدة كثر الــدق يلـين الحديـد
وش دخل هـ المثل ههههههههههههه
8) - إخوانك الصـغار ... لاحقيهم وطامري وراهـم حتى لو مـو مـن عوايدك
وتصـرفي معهم كأنك أمهـم
( لأن هذا يوحي بما لا يدعو مجـــالأً للشـــك
عنـــد العجـوز بأنك حريصة على ذريتك مستقبلاً ) . 9) - مهما أكلت أمك مـن أكلـة لذيذة خليها تقـول :مثــل الأكلة اللي تطبخهـا بنتــي
( فلانــة ) ـ
حتى لو الأكل كان من المطعم الصيني أو حتى المكسيكي أو الفرعــوني ــ
--> لأن السناعة مطلـب كل عجـــوز .
10) - إذا تكلمـوا الحريـم عـن أي عرس ،اكتمــي نفســك لين يحمر خدك
(
عشان يقــولون البنت تستحي - واضح - ومالنا حق تكلـمنا عندهـــا ) ** وبعد هذي الوصــايا بتكون العجوز وقعت بالفـــخ **
...
وخلصنا الخطة الأولى ... //
....
الخطة الثانية ....>> وهذه عاد للعريس الوسيم
اهجدي في بيت أهلك ولا عاد تطلعين وإذا جاء العريس
بيشوفك خلي أبوك يقول له : شوف البنت وهي ماتدري
على أساس انك تشوفها على طبيعتها وما تقول غشيتوني
وقبل لا يجي العريس بإسبوع أو شهر خمس شهور
( على حسب شين وجهك ) ادهري من صالون لصالون (صبغ ، فرد ، تنظيف بشرة ، صنفرة ،
تلميع كريستالي ،……….الخ )
ولا تخلين على نفسك قاصر أبداً .
إذا جاء العريس خلي أخوك يجلس بجنبه عند الشباك
(
أو أي مكان على أساس فكرة إنك ماتدرين خخخخخخخخخ )
عشان ما يطول بالتبحلق بعدين – يطلع المستخبي -
وأيضاَ تحقيق لنظرية اللمحة ذبحة . وفي نهاية المشاهدة
خلي أبوك يقول له : العذر والسموحة وأنا عمّك
(
ضمن الرجال وحطّه في جيبه ) ترا البنت حوسة --> مع انك طاقتن الزين كله .
في هاللحظة الولد بينط على راس أبوك وبيبوسه لين يشفط مخه ويقول له
متى العرس يا طويل العمر ؟
>> وهنا تكون الخطة ناجحة وتحقق المقصد
## تحذيررررمهم ##* ابتعدي كل البعد عن أمهات العيال المتعلمات ..
راعيات الشنطة مثل لون الجزمة *، لأن هذولي يبيلهم خطة
أكثر تعقيداً وأطول مدّاً ...
الله يوفقكم ويزوجكم ويسعدكم ، ولاتنسوني من حلاوة العرس
( أجل تحسبون هالتدابير ببلاش ؟! ) 
ولاأحد يعلم أهله ، ترى هذي من أسرار المهنة ... وعلى رأي المثل
بنات تعاونوا ...... ماعنسوا .. هههههههه
*
ملاحظة: تقدرين ترفعين هالرسالة عندج بالأرشيف للحظة الحاجة لها ,,
وبس
ملاحضة اخرى الوصاياا الذهبية منقوله 
.
