فرفش معانا وخلي الضحك وينا انسى همومك وعيش يومك
هلاوغلا بالجمـــيع....
آخليكم مع الموضوع...
..........................
طبعاً مثل مآيقولون الكتآبـ مبيّن من عنوآنه
الحريم فالزواجات حدّث ولا حرج وبالذات إذا جت حزة الرقص
من هم من تثير الشقفة ومن هم من ترسم علامات التعجب فوق راسك
ومن هم من تجعل المتفرجين يرددون ( الحمد لله على نعمة العقل )
من أ ن تضع قدميها الكريمتين عالكوشه إلى أن تنهي وصلتها الاستعراضية
/
l
/
والحين نكشف الستآر عن الموآهب المدفوونه
- وحده: تنفض شعرها بطريقة الفريرة تقولون داخلته حشرة تبي تطلعها
- والثانيه: تحرك يديها بطريقة لولبية كوكبية متوازية الاضلاع كنها تخبز تميس
- والثالثه: تطامر يمين ويسار كسرت ارقاب الاوادم من كثر ما يتلفتون
- والرابعه: تترنح على أنغام البوب بطريقة هستيرية كنها صرصور باخين عليه بف باف
- والخامسه: تتهزهز تقولون ماسكها كهرب 220 فولت
- والسادسه: تصفق بيديها من تبدأ إلى تنتهي ما تدرون تصفق لنفسها ولا للحضور
- والسابعه: ترقص جنب الطقاقات وتخش في وجيههم عشان يزينون لها الطق
والطقاقات ودهم يصكونها بالطيران صرعتهم بريحتها( الحمد لله إني مانيب طقاقة)
- والثامنه : تسوي حركات تخليكم تشكون في قدراتها السيكولوجية والفسيولوجية والامبريالية!!!!
..........
كله كوووم واللي يلبسوون برآقع في العروس كوم ثاني
( تدق التسريحة والمكياج وتلبس برقع )
وشلون تجتمع ماااااااااأدري؟!!
وإذا طلبوا لها أغنيه تجيكم طااااااااايره من آخر القاعة ( جاكم الإعصار ما شيّن يعيقه )
وإذا وصلت الكوشه تمسك البرقع بأقوى ما عندها ثم تررررررررميه على الواقفات عالمنصة
والشاطرة تمسكة
واذا خلصت وعينت من الله خير قامت تدور برقعها مثل المسعووووورة
لأنها من الحماس ما تدري وين أراضيه
وإذا لقته كنها لااااقيه كنز على طووووول تحطه على وجهه ما تبي أحد يشوفها
واللي يبط القهر أكثر وأكثر اللي ترقص بولدها ( يالييييييييل ماطوووولك)
ياشيلي يا أم الشباب ياتمايلي
وإذا قام البزر يصيح تنزله وتكمل رقص !!
والبزر ياعمري يتعلق في فستانها الارجواني ويجرجرفيه يجرجر فيه وهو يشاهق من الصياح
تحسبونها توقف
لالالالالا إلا تكمل الرقصة إن شاء الله يموت من الصياح اجل تخلي
فلانه اللي طلبت لها الاغنية علشان هالعله لالالالالالا وألف لالالالالالا.............
وما يضحكني إلا اللي تدخل اسمها في الاغنية واسم العايله وعايله وعايله
/
l
/
مدح مباشر مثل :
- (ياصايغين الذهب عطوا الذهب فلانه) ... ادعسسسسسس
- (ردوا سلامي على الفلاينه اللي ما يهابونه) .
- (فلانه غزال صادها القناص ) .... ياحلالااه يا حماية الحياة الفطرية أي والله
...........
والقسم الثاني مدح غير مباشر:
- (قولوا بسم الله على غزالن طب قولوا بسم الله ) هاذي إلى الآن متداولة للآسف على كثر الأغاني ضااااااااااقت إلا يغنونها
- (نورت ياحلاها شمس الأقبالي والعذارى شموعن من حواليها )
هاذي عاد من تحت الأنقاااااض
/
l
/
.............................
هههههههههههههههه>>اظن من بعد هالموضوع الرقص شايلينه من مخكم...
اتمنى عجبكم الموضوع...
::تحــياتي::
يش يومك
.
