معاناة ماقبل الزواج

قالوا لي أهلي تزوج=بالفقر لا لا تحجج
ما ضاقت إلا وتفرج=شيبت ما أنتا صغير
.
قلت ابحثوا عن بنيه=حلوه لطيفه ذكيه
قالوا لقينا رقيه=زينه وابوها فقير
.
جيت الأبو قلت خطيب=يومه درى زاد ترحيب
قدم لي الشاي والطيب=من عقب كاس العصير
.
وقال أي البنت=ثيب تبي أو فتاة
يتيمه أو بحماة=كلن لها به رغيب
.
وقلت ودي رقيه=قال المهر ألف ميه
هذي تراها شويه=مع الذهب والحرير
.
وقلت يا عم غالي=يا عم أنا شوي مالي
ودي ببنت الحلالي=وأنتا بحالي خبير
.
قال انقلع لا اشوفك=لياك تشرح ظروفك
أذلف وجمع ألوفك=عساك سد المصير
.
ورحت لأمي حزيني=يوم شهقت وش فيني
قلت الأبو ما يبيني=يبي قروشٍ كثير
.
قالت خبل لايهمك=حرمتك عندي وأنا أمك
بنتٍ جميله تلمك=وأبوها تاجر كبير
.
باكر تسير عليهم=من قبل أحد يجيهم
هذولا كلن يبيهم=حيث أن أبوها شهير
.
لبست أحسن ثياب=ورشيت نفسي بالاطياب
وجيت وقفت بالباب=وأقول يالله خير
.
دخلت وكلمت أبوها=نادى أمها مع أخوها
وقال روحوا أسألوها=هي ودها بالعشير
.
يوم رجعوا قالوا ايه=ترا البنيه تبيه
ولها شروطٍ عليه=وان طاع كلش يصير
.
مها تبي كل صيف=سفره لديرة جنيف
قصرٍ كبيرٍ نظيف=مفروش زل وحرير
.
وأيضا تبي خادمه=حيث أنها ناعمه
أسرفت ياظالمه=هي تحسب إني وزير
.
ورحت غضبان لامي=خافت وقامت تسمي
شكيت حزني وهمي=قلت أخطبي لي عبير
.
قالت مشينا لأهلها=عساك تصبح بعلها
ما هيب خبله وبلها=تقنع بشيٍ يسير
.
جيت الأبو صار يضرس=قال آسف البنت تدرس
ما ودها ألحين تعرس=سن البنيه صغير
.
جاوبت بنتك كبيره=العام صارت مديره
حرام تقعد أسيره=باسباب شي حقير
.
يومي فضحته وثار=قال..............
يالله .........=...................
.
شرطي ترا هالمعاش=في آخر الشهر كاش
ما نيب أربي بلاش=عشانكم يالغرير
.
طلعت من بيتهم=زعلٍ وخليتهم
يا ليت ما جيتهم=ما عند أبوها ضمير
.
وقلت سدت دروبي=يمه أببقى عزوبي
أكوي شماغي وثوبي=ما عاد أبي لي خشير
.
قالت وش اللي تقول=أكيد أنت مهبول
أصبر لعلك تنول=الله وأنا أمك قدير
.
يرزقك بنت هنوف=فيها جميع الوصوف
معها السعاده تشوف= وتعيش معها قرير
.
عندي بنية حلال=عقلٍ ودين وجمال
ما هم براعين مال=وابوها شيخٍ ضرير
.
جيت الأبو قلت ياعم=يومه سمعني نطق سم
وقلت ياعم تسلم=جيتك اباخطب غدير
.
قال انتظر يوم سابع= وارد لك رد قاطع
ان كان ما فيه مانع=يجيك مني بشير
.
وراح يومٍ ويومين=ثم اتصل يوم الاثنين
قلت الخبر قال لي زين=تعال عقب الاخير
.
وجيت وادخلني الدار=وقلت يا عم وش صار
قال مدحوكم لي الاخيار=يوم جيتهم مستشير
.
وقلت هذي الفلوس=ودي أشوف العروس
من أجل تهدا النفوس=رسولنا بذا يشير
.
وقال وش قلت ودك=وقف هنا عند حدك
ما فيه عقل يردك=هي شاة وإلا بعير
.
بنتي أبد ما تشاف=من قبل يوم الزفاف
ما دام مافيه خلاف=تراي أنا مستخير
.
الحمد لله لقيت=رجال من خوش بيت
دينٍ وعقلٍ وصيت=وبحال مثلي بصير
.
يشري قروم الرجال=ما وده بزود مال
وده بولد الحلال=متعلم ومستنير
.
خطبت منهو عطاني=حققت كل الأماني
واصبحت قانع وهاني=وعشت معها أمير
.
والحمد لله خلاص=عندي سكن ملك خاص
وعيالي يملون باص=عايش بصحه وخير

ابيـات حلوه

صح لسان الشاعر ’ وسلمت يداتك على طرحك الرووعه

تقبل مروري المتواضع

الله يسلمك
ومشكور على المرور

سيد العشاق
قول امين.....

الله يزوجك وحد ه مصريه اسمها عواطف ببلاش من غير مهر

الله يسعد قلبك وينور دربك

موفق

اشكرك أخوي

ملكه على عرش ذاتي كتب:

مصرية مرة وحدة هههههه وش فيهم بناتنا ياحليلهم جمال واخلاق
ملكة
مشكورة كل الشكر والله يرزقكي بالزوج الصالح

الملكي كتب:

دوم الضحكة اخوي العزيز والغالي الملكي
والعفو ومنور

» معاناة شاب مع صرصور فى الصلاة !!
» قصة شاب أحب اخته لدرجة طلب الزواج منها