يا مرحبا يا ريحة الورد والهيل

لا هبت النسمة وتطاير عطرها


 
الرئيسيةالبوابةبحـثالتسجيلدخول


شاطر | 
 

 قصة شاب يوم عرسه....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
النبراس
قوقل مشارك
قوقل مشارك
avatar

. . :
انثى عدد المساهمات : 105
نقاط : 136
تاريخ التسجيل : 21/12/2010
العمر : 27
المزاج : عال العال

مُساهمةموضوع: قصة شاب يوم عرسه....   الخميس أبريل 28, 2011 6:20 am

راح أحكي لكم اللي صار معي ليلة العرس وحسب شهود عيان

(
لأن فية أشياء ما اتذكرها بسبب هبوط الضغط اللي صار لي يومها)

طبعاً الليلة اللي تسبقها ماقدرت أنام زين خصوصاً اني تزوجت بالحلم يمكن 4 مرات !!

أتزوج ثم اصحى ورجع أنام وأتزوج ثم اصحى ثم ارجع أنام واتزوج ..

المهم صحيت الظهر وقمت وصليت ورجعت للبيت أجهز أغراضي و أتروش

(
تقول الوالدة من الربشة مفرش أسنانك بمعجون حلاقة)

لما صار العصر طلعت للحلاق وحلقت ورجعت قريب من المغرب ..

ثم رحت اتروش لكن هالمرة غير ..

تروشت بدورة مياة الضيوف من العجلة أكرمكم الله واللي تفتقد لأبسط الأشياء

وهو شامبو بيبي جوي "لادموع بعد اليوم"

وبمساعدة الوالدة تم بحمد الله نقل أغراضي إلى دورة مياة الرجال ..

صلينا المغرب ورجعت البس طبعاً بعد العشاء أحنا عندنا عادة وهي

أنو بعض أهل وأقارب العريس يتجمعون في بيت العريس

عشان يطلعون معاه للقصر ..

وأنا جالس البس عشان انزل لهم واسلم عليهم أكتشفت أن المشلح اقصر مني بشبر

طبعا السبب عرفته بعد أسبوع

(
وهو اني غسلتة غسيل عادي موبخار عشان كذا كمش قماش المشلح )

طبعا صرت احوس بالغرفة وش اسوي وش اسوي

ورحت للوالدة الله يحفظها وخبرتها .. هدتني وقالت بسيطة ..

حاول قد ماتقدر تكون جالس طول الوقت ولما تمشيء سو نفسك رافع المشلح شوي

ومدخلة تحت يدك زي الناس الأكابر

المهم صلينا العشاء ثم نزلت وسلمت على الحظور

بعدين جلست واقاربي يناظروني ويتبسمون لين صار وجهي علبة الوان

بعدها جاء ابوي وقال يالله نطلع للقصر وركبنا السيارة ..

أنا ورا.. وابوي قدام .. وعمي يسوق السيارة ورحنا للقصر والناس ورانا

لما قربنا من القصر عندنا عادة الناس تبداء تدق بواري ( طاط طيطييط طوووط طط طط )

من هنا أنا بدأت افقد السيطرة على نفسي


وصلنا القصر ونزلت ولما نزلت لقيت العالم متجمعين عند الباب عشان يسلمون علي ويباركون لي ..

طبعاً ابوي حاس بوضعي عشان كذا كان قد مايقدر يحاول يكون جنبي ..

وأول واحد سلم علي كان ابو البنت سلمت علية وبوست راسة

وانا أنتفض ثم سلموا علي أعمامها ثم خوالها .. الخ لين دخت

وكان مرة زحمة وخنقة وكان كل واحد يسحبني من جهة عشان يسلم علي لين وصل دور عيال خالتي

طبعاً أول واحد منهم سلم علي وقال :

ماشاء الله الف مبروك وكل عام وأنت بخير

رديت علية وقلت : الله يبارك فيك يارب

جاء الثاني وعرف اني مرتبك ومهبب لاني ما أستغربت من كلمة كل "عام وانت بخير"

فقام قالي : عيدك مبارك وكل عام وأنت بخير

انا رديت علية وبكل برائة وقلت : تسلم .. من العايدين الفايزين يارب

جاء الثالث وخربها و قال : تقبل الله

رديت علية وقلت : من الجميع يارب .. جزاك الله خير

طبعاً العالم فطست من الضحك

لما شافني أبوي كذا قام سحبني ودخلني جوات القاعة

وجلست أكمل باقي السلام على الحظور

طبعاً كنت من الخبة اقوم وأقعد أقوم واقعد والسبب هو اني من الإرتباك

ماكنت أدري مين اللي سلمت علية و مين الي ما سلمت علية

فكان بمجرد مايمر من جنبي أحد أقوم أحسبة جاي يبغى يسلم علي

<<
ثم أكتشف انة جاي يسلم على الشياب اللي جالسين جنبي>>

المهم فجأة وانا بمعمة أفكاري قام جميع الحظور مرة وحدة وأتجهو نحوي مباشرة :

<<
طبعاً أنا ما ادري وش السالفة

قمت واقف أحسبهم يبغون يودعوني دفعة وحدة !!

طلع ابو البنت منادي عليهم للعشاء

ولسوء الحظ كان باب صالة الطعام خلفي ..

<<
حسبي الله علية اللي مصمم القاعة فجعني>>

المهم جلست شوي ثم قمت ورحت للقسم اللي مخصص للعرسان وطقيت الباب
أ
نا : طق طق

حارسة الباب : مين ؟

انا من الربكة اللي عايش فيها قلت : بيت الفلان (اللي هو اسم عائلة زوجتي)

الحارسة : لا عرس الفلان قصدك
أ
نا : ايوة نسيت .. أنا العريس

الحارسة وهي تضحك : ايوة مبين خلاص الحين بنادي لك امك

جت امي ودخلتني وعرفت أني مرتبك لدرجة الأرتجاج ..

قامت وسمت علي بالرحمن الرحيم وباركت لي ودعت لي

وقالت حبيبي ترا فيه خالاتك وبعض خالات البنت "متغطيات"

وعروستك وأمها بس وعطتني وردة عشان اعطيها العروسة

طبعاً أول مادخلت خالاتي صارو يزغردون واللي تصور وأعمتني بالفلاشات

مبروك مبروك ياعريس منك المال ومنها العيال وبرفاه والبنين ان شاء الله ..

ولما خلصت سلام على خالاتي رحت عشان اسلم على العروسة بالكوشة ..

طبعاً كنت مرة مستحي ومرتبك وما اعرف كيف اسلم عليها

و كنت جالس أفكر كيف ؟؟

وخلال غمضة عين اكتشفت أني فوق الكوشة : ( شكلي كنت أركض )

ومن الربكة عطيت الوردة ام العروسه وسلمت على العروسة سلام زملاء عمل

(
يعني مصافحة باليد ثم حطيت خدي على خدها من الجهتين )
تقول العروسةأنك قلت لي وشلونكم عساكم طيبين وكيف الأهل والأولاد !!

طبعاً خلال ثواني حسيت إن السلام غلط فحاولت اتدارك الموقف وأصححه

فقمت وبست راسها (قلت يمكن كذا الصح )

قام شماغي ومسك في التاج اللي فوق راسها


وخذ تخبيص وكنت شوي وأطيح عليها .. وبطلعت الروح فكيتة من راسها

المهم جلست جنبها عشان التصوير بعد ماخربت تسريحتها وبعد ماخصلوا تصوير

قمت وانا بقمة الربكة وحطيت يدي على جبينها عشان أقول الدعاء ..

طبعا الدعاء الصحيح هو :
((
اللهم إني أسألك من خيرها وخير ما جبلتها عليه ,
وأعوذ بك من شرها وشر ما جبلتها عليه ))

أنا قلت (( اللهم أني أسئلك من خيرها في الدنيا والآخرة
واعوذبك من شرها في الدنيا والآخرة ))

طبعا امي ماقدرت تمسك ضحكتها


طبعا البنت كان وجهها محمر من الضحك !!

وصار عندها مغص حاد يومها بسبب كثرة الضحك !!

وهذي قصتي يوم عرسي بأول الصيفيه لاحد يرحمني

بس ماصدقت اني اعرس

عقبااااااااااالكم
الرجوع الى أعلى الصفحة اذهب الى الأسفل
**ريماوية**
قوقل مشارك
قوقل مشارك
avatar

انثى عدد المساهمات : 91
نقاط : 99
تاريخ التسجيل : 14/12/2010
الموقع : قلــــــب التفـــــاؤل
المزاج : دووووم حماس

مُساهمةموضوع: رد: قصة شاب يوم عرسه....   الخميس أبريل 28, 2011 11:47 am

خخخخخخخخخخخخخ
خخخخخخخخ
بصراحة يانبراس أحلى حاجة الدعاء...
هههههه
تسلمي ع الطرح الجميل
الرجوع الى أعلى الصفحة اذهب الى الأسفل
ﭑلـﯛافي دﯛم
admin
admin
avatar

. . :
ذكر عدد المساهمات : 2346
نقاط : 3227
تاريخ التسجيل : 13/11/2010
العمر : 28
الموقع : عروس المصايف
المزاج : لا يوجد مزاج معين ..]

مُساهمةموضوع: رد: قصة شاب يوم عرسه....   الخميس أبريل 28, 2011 2:47 pm

ههههههههههههههههه

الله لا شماته .. والله جاب العيد هههههه

نبراس ~

سلمت الايادي على طرحك الرووعه

تقبلي مروري المتواضع


.
...................

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://googlna.forumarabia.com
النبراس
قوقل مشارك
قوقل مشارك
avatar

. . :
انثى عدد المساهمات : 105
نقاط : 136
تاريخ التسجيل : 21/12/2010
العمر : 27
المزاج : عال العال

مُساهمةموضوع: رد: قصة شاب يوم عرسه....   السبت أبريل 30, 2011 2:38 am

**ريماوية** كتب:
خخخخخخخخخخخخخ
خخخخخخخخ
بصراحة يانبراس أحلى حاجة الدعاء...
هههههه
تسلمي ع الطرح الجميل


تسلمي عزيزتي

منوره بطلتك
الرجوع الى أعلى الصفحة اذهب الى الأسفل
النبراس
قوقل مشارك
قوقل مشارك
avatar

. . :
انثى عدد المساهمات : 105
نقاط : 136
تاريخ التسجيل : 21/12/2010
العمر : 27
المزاج : عال العال

مُساهمةموضوع: رد: قصة شاب يوم عرسه....   السبت أبريل 30, 2011 2:40 am

ريود الطائف كتب:
ههههههههههههههههه

الله لا شماته .. والله جاب العيد هههههه

نبراس ~

سلمت الايادي على طرحك الرووعه

تقبلي مروري المتواضع

دووووووووووم الضحكه يــــــــــــــــــارب

تسلم عزيزي

منور بطلتك
الرجوع الى أعلى الصفحة اذهب الى الأسفل
عاشقة مسقط
قوقل فعّال
قوقل فعّال
avatar

. . :
انثى عدد المساهمات : 459
نقاط : 546
تاريخ التسجيل : 30/11/2010
العمر : 26
الموقع : ف قلوب احبابي

مُساهمةموضوع: رد: قصة شاب يوم عرسه....   السبت أبريل 30, 2011 5:54 pm

هههههههههههههههههه

عاد ما عرس يسوي فيه كذيه... حركات والله

عبالي بس البنات الي يرتبكون ف العرس طلع الرجال ادمر وادمر (( الحمدالله والشكر))....هع هع هع

تسلمي فديتج ع الطرح الرائع..
الرجوع الى أعلى الصفحة اذهب الى الأسفل
 
قصة شاب يوم عرسه....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قوقلنا الأدبي :: قوقلنا للقصص و الروايات-
انتقل الى: